قصيده في امي الغاليه وهي على سرير المرض

اخواني واخواتي
السلام عليكم رحمة الله وبركاته

سأبدء اولى مشاركاتي في هذا المنتدى الكبير بقصيده غااااااليه على نفسي كثيرا


كتبت هاذه القصيده في اول يوم دخلت الوالده المستشفى

اتمنى ان تحوز على رظاكم رغم تواضعها


يمه سلامتك الف سلامه من الظيم والــ آآه والسلاام
اقولها لك قبل ينتهي وقت الزياره واقول تكفين
ابيك حولي ياشوق عمري بهالزمن يااحلا الغرام
لاتروحين والله الدنيا بدونك عندي اصغر من حرفين
يمه ابكي عليك واهل الدمع وانتي بسرير الظلام
يمه تذكري يوم كنتي تلبسيني الثوب للمدرسه يمه تذكرين
تذكري يوم تزعلي علي اذا ماصليت خلف الأمام
تذكري يوم كنت احط راسي بحظنك الحنون قبل تنامين
تذكري يوم كنت ابوس راسك قبل اسري وانام
وتقولي لي تصبح على خير ياولدي وترفعين اليد لي تدعي
انا هالوقت ادعي الله يارب ياسيد البريه والأانام
يخليك لعيون ترتجيك يايمه الصبر الصبر عننا لاتروحين
توني صغير بالدنيا العريضه ومقدر على السهام
غصني تري لين ينكسر بسرعه يا يمه وانتي بطبعي تدرين
قلبي رهيف يا يمه مايقوى على الصعاب والخصام
ما يقوى على الدنيا يايمه احبك يالغاليه بس لاتروحين
ماهو اعتراض على القدر واعرف انه يا يمه حرام
بس من حر مابي يايمه اهديك الروح وانتي تعيشين
يمه اخوي ماله سنه بهالدنيا ما ماحان وقت الفطام
ماله ومالنا غيرك يا يمه اذكر يوم قدومه شفتك تفرحين
يمه ياليت الموت لي ولا لك بعيد الشر يا بنت الكرام
ليت العمرآآخذه واعطيك فدوه لعيونك والله تمونين
يمه ابيك تزوجيني ببنت تعرف كيف العفه والأحترام
حلوه شينه قصيره متينه المهم من اللي من العذارا تختارين
وابيك بليلتي فرحانه وواقفه بشموخ مثل الأعلام
وتحطين ايدي بيدها يايمه متى هالساعه المبروكه تحين
اعرف ان الموت حق علينا واجبٍ وملزومٍ لزام
وراظي بقدر ربي لو رحتي بس امنيتي للبيت يايمه تردين
الله يردك سالمه غانمه يا يمه لنا ومني لك السلام
بس طلبتك لااشوف بالزياره الثانيه دمعة عيونك تكفين
يمه ابهديك زودٍ على عمري الفرح وبهديك الغرام
يمه تري الدنيا بدونك اصغر بعيني والله من حرفين




اتمنى اني لم اطل عليكم
ولكم من القدير والأحترااام



(( اعذروني لعدم الأهتماام بمضهر القصيده لوجدبعض المشاكل لدي بالمتصفح سأحاااول ان اتلافاه مستقبلا))

صح لسانك اخوي العطـــا لهذه القصيده الي ابكتني بكلماتها

واعتبرها من اجمل القصائد ويكفي انها عن الام

الله يخليها لك يارب

لك ارق تحيـــاتي

بنـــت العــــز

اخوي المااضي الصعب

يسعدني ان يكون انت اول من يعقب على قصيدتي المتواضعه

واتمنى ان يكون كل ما اقدمه يحوز على رضاكم واسحسانكم

اشكرك على مشاعرك الجميله




ودمتم

اختي بنت العز



الف الف الف الف الف شكر على مشااعرك الغااليه
وان كانت هذه القصيده ابكتكي فيدل على مشااعرك الرقيقه واحااسيك الراائعه كيف لا وهي في اجمل مخلوق على قلبوبنا


اشكرك على تفااعلك واتنمى ان اكون عند حسنة ظنكم



ودمتم

توني صغير بالدنيا العريضه ومقدر على السهام
غصني تري لين ينكسر بسرعه يا يمه وانتي بطبعي تدرين
قلبي رهيف يا يمه مايقوى على الصعاب والخصام
ما يقوى على الدنيا يايمه احبك يالغاليه بس لاتروحين


كلمات تنزف الما وجرحا،،الله يشفي والدتك وجميع مرضى المسلمين باذن الله ،،اعجبني

الاحساس المتمكن من كتابة حسه بهذا الشكل الرائع ، نعم العطا احسنت

باختيار المضمون ومهما بعمرنا كتبنا اجزم اننا بكل انحاء المعموره لن نفي الام حقها وان رحلنا بها على الاكتاف

سطور منظومه بمشاعر تنم عن انسان به بر لامه كما بقلوب كل البشر سلمت وسلم فكرك

النير ، وهنا اقدم لك جزيل الشكر على هذا التنوع في الطرح والذي يقدم لنا بادرة بالكتابه في هذا المجال بقدر

الامكان ..

مع فائق تحياتي لشخصك..

الطــ الخجوول ـــرف

اختي
الطــ الخجوول ـــرف

اخجلتني كلمات الرائعه وتفاعلك الجميل مع القصيده

الشكر موصول لكي اختي على هذا التعبير الجميل

وتأكدو جميعا

انني مهما كتبت اعتبر نفسي من الصغار في عالم الشعر
واتنمنى ان اصل معكم الى ما نصبو اليه من مكانه متقدمه في هذا العالم الجميل الرائع اللذي هو تعبير عن الذات والأحساس بطريقه لايجيدها البعض
وهذا بحد ذاته فخر لنا والحمد لله

اشكرك على هذا المرور سيدتي

ودمتم سالمين

قصيده أغرقت الدموع في وسط عيناي.. اللهم اشفي والدتي ووالدتك ومرضى المسلمين أجمعين.. يعطيك ألف عافيه..



لااله الا اللــــــــــــــــــه أستغفرك وأتوب اليك..